Поврзувајќи ги политичките студии, феминизмот и екофилозофијата, Кара Дагет во своите текстови ја истражува врската помеѓу експлоатацијата на горивата и градењето на доминантните политички гледишта во современиот свет, како и културните и економските последици од таа релација.

Дагет го воведува поимот „петромажественост“ за да го опише трошењето фосилни горива преку концептите на традиционалниот, патријархален мажествен идентитет и за да укаже на аспектите на доминација, моќ, мизогинија и авторитарност кои се типично поврзани со негирањето на климатските промени и со цела група културни и социјални феномени на нашето време.