Што ќе се случи кога топлотните бранови што ја опустошуваат нашата планета ќе почнат да стануваат сè пожешки и посмртоносни, а човештвото полека ќе ја губи контролата врз својата егзистенција? 

Ова е прашањето на кое се обидуваат да одговорат ликовите во романот Министерство за иднина, растргнати помеѓу колективната трагедија и своите лични судбини. Робинсон ни нуди детална анатомија на надежта за преживување на човекот во идните децении и векови.

„Досега, најдобрите предвидувања за тоа како ќе изгледа светот во иднина ги има изнесено Ким Стенли Робинсон, автор на научна фантастика чијашто специјалност е прикажувањето на последиците што може да произлезат од свет во каков што живееме денес.”
New Yorker